ბათუმში ფრიდონ ხალვაშის გამზირზე მანქანა ქვეითს დაეჯახა. შინაგან საქმეთა სამინისტროში On.ge-ს უთხრეს, რომ დაშავებული საავადმყოფოში გარდაიცვალა.

გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. უწყების ცნობით, მძღოლი შემთხვევის ადგილიდან მიიმალა, თუმცა, მისი ვინაობა დადგენილია.