სასჯელაღსრულებისა და პრობაციის სამინისტროს ინფორმაციით, პენიტენციურ დაწესებულებებში 10 საარჩევნო უბანი გაიხსნება. სამინისტროს ცნობით, საარჩევნო უბნები კანონმდებლობის შესაბამისად, 08:00 საათიდან გაიხსნება.

გამონაკლის შემთხვევაში შექმნილი საარჩევნო უბნები:

  • N2 - ერთი უბანი;
  • N3 - ერთი უბანი;
  • N5 - ერთი უბანი;
  • N6 - ერთი უბანი;
  • N8 - ორი უბანი;
  • N9 - ერთი უბანი;
  • N14 - ერთი უბანი;
  • N15 - ერთი უბანი;
  • N16 - ერთი უბანი;
  • N17 - ერთი უბანი;
  • N19 - ერთი უბანი;

საქართველოს კანონმდებლობის თანახმად, არჩევნებში მონაწილეობა შეუძლიათ ბრალდებულებსა და ნაკლებად მძიმე დანაშაულში მსჯავრდებულ პირებს.

პენიტენციურ დაწესებულებებში ხმას მისცემენ სასჯელაღსრულებისა და პრობაციის სამინისტროს ის თანამშრომლები, რომლებიც არჩევნების დღეს 24 საათიან სამუშაო ცვლაში იმყოფებიან უშუალოდ პენიტენციურ დაწესებულებაში.

გადასატანი ყუთის მეშვეობით, მიმაგრებულ უბნებზე ხმას მისცემენ სასჯელაღსრულების სამინისტროს დაქვემდებარებაში არსებული სხვადასხვა სტრუქტურული ერთეულების წარმომადგენლები, რომლებიც არჩევნების დღეს 24 საათიან სამუშაო ცვლაში იმყოფებიან და მსჯავრდებულთა ნაწილი. სულ განსაზღვრულია 11 საარჩევნო უბანზე მიმაგრება.