ნიუ-იორკის გუბერნატორი ენდრიუ კუომო აცხადებს, რომ შტატში არსებულ ყველა ხიდსა და გვირაბში მაღალტექნოლოგიური კამერები უნდა დამონტაჟდეს, რომლებიც სახის ამოცნობის ტექნოლოგიით იქნება აღჭურვილი. ამ ინიციატივის ფარგლებში იგივე სახის ტექნიკის გამოყენება იგეგმება აეროპორტებსა და სხვა სტრატეგიულ ობიექტებზე.

აღნიშნული ტექნოლოგიის დახმარებით ნიუ-იორკის გუბერნატორი ტერორისტების დროულად აღმოჩენასა და დაკავებას იმედოვნებს.

სახის ამოცნობის ტექნოლოგია ჯერ-ჯერობით დაუხვეწავია და არათეთრკანიანი პირების სახის ამოცნობა უჭირს. თუმცა, ამ სისტემას წარმატებით უკვე იყენებს შტატის ტრანსპორტის დეპარტამენტი. 2016 წლის იანვრის შემდეგ, სახის ამოცნობის ტექნოლოგიის საშუალებით, ასზე მეტი დამნაშავე დააკავეს.