გუშინ, 19 აგვისტოს სხვადასხვა მედიასაშუალებებმა ელექტრონულ ფოსტაზე ყალბი დოკუმენტი მივიღეთ, რომელიც "საქართგელოს მთავრობის" სახელით გავრცელდა. დოკუმენტში საუბარი იყო მთავრობის წარდგენილ გარემოს დაცვის კონცეფციაზე.

შეტყობინება [email protected] ელექტრონული ფოსტით გავრცელდა და მას თან ახლდა ყალბი გერბი.

ფოტო: კადრი ყალბი შეტყობინებიდან

ყალბ შეტყობინებას დღეს საქართველოს მთავრობის პრესსამსახური გამოეხმაურა. მათი თქმით, აღნიშნული ქმედება მიზნად ისახავდა მთავრობის დისკრედიტაციას და წარმოადგენდა პროვოკაციას.

უწყება განმარტავს, რომ პრემიერ-მინისტრის პრესსამსახურის ოფიციალური ელექტრონული ფოსტის მისამართია [email protected]. უწყება სთხოვს მედიასაშუალებების წარმომადგენლებს, იხელმძღვანელონ მხოლოდ აღნიშნული მისამართიდან მიღებული ინფორმაციით, არ დაეყრდნონ ყალბ დოკუმენტებს და არ შეუწყონ ხელს ცრუ ინფორმაციის გავრცელებას.