გასული კვირის ტიზერის შემდეგ, Apple-მა მისი ახალი სერიალის, The Morning Show-ს პირველი ტრეილერი გამოუშვა.

სერიალში A კლასის მსახიობები მონაწილეობენ — სტივ კარელი, რიზ უიზერსპუნი და ჯენიფერ ენისტონი.

ტრეილერში ვხედავთ, რომ ენისტონის გმირი პირდაპირ ეთერში აცხადებს მისი თანაწამყვანის სამსახურიდან გათავისუფლების მიზეზს, რაც, სავარაუდოდ, სექსუალური შევიწროებაა. ტრეილერში ვხედავთ, როგორ ეცემა ენისტონის პერსონაჟის რეიტინგი, პარალელურად კი ახალი წამყვანი ჩნდება, რომლის როლსაც რიზ უიზერსპუნი ასახიერებს. თითქმის 3-წუთიანი ტრეილერის ბოლოს ვხედავთ, რომ ენისტონის გმირი ფერფლიდან აღზევებისთვის ემზადება და ძალებს იკრებს.

სერიალის პრემიერა Apple TV Plus-ზე 2019 წლის შემოდგომაზე შედგება.