საოკუპაციო რეჟიმის წარმომადგენლებმა ქართულ მხარეს გატაცებული მოქალაქეების 3 ავტომობილი დაუბრუნეს. რაც შეეხება თავად გატაცებულ 8 მოქალაქეს ისინი ჯერ არ გაუთავისუფლებიათ.

როგორც შინაგან საქმეთა სამინისტროს წარმომადგენელმა ჟურნალისტებს განუცხადა, უკანონოდ დაკავებულების გასათავისუფლებლად მოლაპარაკებები ინტენსიურ რეჟიმში გრძელდება.

საქართველოს 7 მოქალაქე სოფელ ახალუბნიდან გუშინ, 17 აგვისტოს გაიტაცეს. სწორედ მათ ეკუთვნოდათ ავტომობილები. დღეს კი სოფელ არცვიდან საოკუპაციო რეჟიმმა კიდევ ერთი ადამიანი გაიტაცა. მათ ე.წ. საზღვრის კვეთა ედებათ ბრალად.