დღეს, 18 აგვისტოს, დილით თბილისში, მტკვრის მარცხენა სანაპიროზე, კლუბ მტკვართან ავარია მოხდა. როგორც შინაგან საქმეთა სამინისტროში On.ge-ს განუცხადეს, მსუბუქი ავტომობილი ხეს შეეჯახა. ავარიის შედეგად გარდაიცვალა მანქანის ორი მგზავრი, ერთი კი დაშავდა.

საქმეზე გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო. ამ მუხლით, ავტომობილის მოძრაობის უსაფრთხოების წესის დარღვევა, რამაც ადამიანის სიცოცხლის მოსპობა გამოიწვია ისჯება თავისუფლების აღკვეთით ვადით ოთხიდან შვიდ წლამდე.