ბეწვიანი მამონტები სპილოსებრთა ოჯახის ძუძუმწოვრები იყვნენ, რომლებიც უკვე დიდი ხანია გადაშენდნენ.

ეს ცხოველები თანამედროვე სპილოებს ზომით დიდად არ აღემატებოდნენ, თუმცა, გაცილებით მასიური ტანი ჰქონდათ. ამაზე სხვადასხვა დროს, პლანეტის სხვადასხვა წერტილში, (აზიაში, ევროპასა და ჩრდილოეთ ამერიკაში) აღმოჩენილი მათი ძვლები მოწმობს.

ჯექსონ ჰეფნერი კი 12 წლის ბიჭია, რომელმაც ცოტა ხნის წინ, ოჰაიოში ოჯახთან ერთად სტუმრობისას, ეზოში თამაშის დროს უცნაური ობიექტი აღმოაჩინა — ბავშვმა იმ ცხოველის ეშვი იპოვა, რომელიც მიწაზე მრავალი ასეული წლის წინ დააბიჯებდა.

ოჯახი მალევე მიხვდა, რომ საქმე საკმაოდ მნიშვნელოვან რამესთან ჰქონდათ და მაშინვე ადგილობრივ არქეოლოგიის პროფესორებს დაუკავშირდნენ.

"ჯექსონისთვის ეს ამბავი ძალიან ამაღელვებელი და საინტერესო აღმოჩნდა", — ამბობს იღბლიანი ბავშვის მამა, ჯოშ ჰეფნერი.

იქ სადაც ბავშვმა მამონტის ეშვი იპოვა, მალევე მივიდნენ პროფესიონალი არქეოლოგები, რომლებსაც ჯექსონი საკუთარი რუკით დაეხმარა. რუკაზე ის ადგილია მონიშნული, სადაც მან ეს აღმოჩენა გააკეთა:

ჯექსონს იმედი აქვს, რომ ნაპოვნ კბილს მალე დაიბრუნებს და მეგობრებისთვის მისი ჩვენების საშუალებაც ექნება.