იქნება ეს ანდროიდი, iOS, ვინდოუსი, ტვიტერი თუ Slack, ბნელი რეჟიმი ახლა უკვე თითქმის ყველა აპლიკაციასა და ოპერაციულ სისტემაშია ხელმისაწვდომი. ერთ-ერთი გამონაკლისი ფეისბუქის აპლიკაციაა, თუმცა, ჯეინ მანჩუნ ვონგის თქმით, რომლისგანაც ახალი აპლიკაციების შესახებ სანდო ინფორმაცია ხშირად ჟონავს, აცხადებს, რომ ფეისბუქი ანდროიდის აპლიკაციაში ბნელი რეჟიმის დამატებაზე მუშაობს.

ვონგმა ტვიტერზე ბნელი რეჟიმის სურათებიც გაავრცელა, რომელზე დაყრდნობითაც შეგვიძლია ვთქვათ, რომ ფეისბუქის ბნელი რეჟიმი ჯერ ძალიან ადრეულ ეტაპზეა.

როგორც სურათებიდან ჩანს, ამჟამად ბნელი რეჟიმი აპლიკაციაზე სრულად მორგებული არ არის. ფეისბუქი აპლიკაცია საკმაოდ დიდი და მრავალფუნქციურია, რის გამოც მისი ბნელი რეჟიმისთვის ადაპტირებას, შესაძლოა, გარკვეული დრო დასჭირდეს.