ერთიანი ნაციონალური მოძრაობის მიერ გამართულ აქციაზე, პარტიის ერთ-ერთი ლიდერმა, ელენე ხოშტარიამ აქციის მონაწილეებს სიტყვით მიმართა:

"მოგესალმებით თბილისელებო! მოგესალმებით, ვინც სხვადასხვა გზა გამოიარა იმისთვის, რომ დღეს ყველა ერთად ვიყოთ. არ მიწყინოთ და მე განსაკუთრებით მივესალმები ჩემს ვაკეს, ფიქრის გორას, წყნეთს, ახალდაბას, სადაც მე ამ 4 თვის განმავლობაში ხმა კი არ შევიძინე, შევიძინე მეგობრები, შევიძინე იმედი და შევიძინე ენერგია იმისთვის, რომ ყველა ერთად წავიდეთ წინ. მე მივესალმები ჩვენს მომხრეებს და ყველას, ვინც ჩვენი მომხრე არ არის იმიტომ, რომ ჩვენ ასე არ ვყოფთ საზოგადოებას, ჩვენ გვყავს 1 ქვეყანა. ჩვენ გვაქვს ერთი ქვეყანა, ჩვენ არ გვაქვს გასაყოფი და დასაჯიჯგნი ქვეყანა, ჩვენ უნდა ვიყოთ ერთიანი. ჩვენ აქ არ შევკრებილვართ იმისთვის, რომ ნაციონალურ მოძრაობას დავუჭიროთ მხარი. ჩვენ აქ შევიკრიბეთ, რომ ერთიანად, მტკიცედ, მშვიდად გვერდში დავუდგეთ ჩვენს ქვეყანას. ჩვენს ქვეყანას არაერთი გამოწვევა ჰქონია, მაგრამ ჩვენი ერთობით სიმშვიდით და სიმტკიცით, ჩვენ ბოროტების იმპერია დავანგრიეთ და სახელმწიფო მოვიპოვეთ. 2012-ში ჩვენ მოვიპოვეთ დიდი მონაპოვარი, რომ არჩევნების გზით შეიცვალა ძალაუფლება და დღეს ამ მონაპოვარს არავის დავაკარგვინებთ 8 ოქტომბერს გამოვალთ ჭაობიდან და წავალთ წინ".