დე ფაქტო სამხრეთ ოსეთის საოკუპაციო რეჟიმმა ე.წ. საზღვარი ჩაკეტა. ადგილობრივი სახელისუფლებო მედიის ინფორმაციით, ამის მიზეზი ომის მე-11 წლისთავია. მათივე თქმით, ე.წ. საზღვარი 9 აგვისტოს გაიხსნება.

ე.წ. საზღვარს საოკუპაციო რეჟიმი ომის თითქმის ყოველ წლისთავზე კეტავს. ამ დღესთან დაკავშირებით ოკუპირებულ სამაჩაბლოში სხვადასხვა აქტივობებია დაგეგმილი.

2008 წლის რუსეთ-საქართველოს ომს ოკუპირებული რეჟიმი დღემდე "ქართულ აგრესიას" უწოდებს და სხვადასხვა სახის დეზინფორმაციას ავრცელებს იმის შესახებ, რომ ქართული ჯარები მშვიდობიან მოსახლეობას ბომბავდა და ომი საქართველომ დაიწყო.