რუსთავი 2-ის საინფორმაციო სამსახურის უფროსის ნოდარ მელაძის ინფორმაციით, ნიკა გვარამიას დაანონსებული ტელევიზიის გარდა, მედიაბაზარზე ახალი არხი შემოდის. ამის შესახებ მან ტელეკომპანია პირველის ეთერში განაცხადა.

ის მიესალმება ახალ მოთამაშეებს მედიაბაზარზე, რადგან მიაჩნია, რომ კონკურენცია მედიაპლურალიზმის წინაპირობაა.

"რუსთავი 2-ის გუნდზე, რა თქმა უნდა, მოთხოვნა იქნება ყოველთვის, რადგან ეს გუნდი ამ ქვეყანაში აკეთებს ყველაზე რეიტინგულ საინფორმაციო გამოშვებას და, რა თქმა უნდა, ამ გუნდთან თანამშრომლობის სურვილი ექნება ყველას, მათ შორის იმ ტელევიზიას, რომელსაც აკეთებს ნიკას, მათ შორის იმ ტელევიზიასაც, კიდევ ერთი ახალი არხის შესახებ არის საუბარი, რომელიც იქნება ამბიციური გეგმებით ბაზარზე წარმოდგენილი. რაც ურო მეტი არხი იქნება წარმოდგენილი ბაზარზე მით უფრო გაუჭირდება ხელისუფლებას პირზე ააკრას წებოვანი ლენტი მედიას", — განაცხადა მელაძემ.

რუსთავი 2-ის გენერალური დირექტორის პოსტის დატოვების შემდეგ ნიკა გვარამიამ განაცხადა, რომ რამდენიმე პარტნიორთან ერთად ტელევიზიის გაკეთებას გეგმავს.