უზენაესი სასამართლოს მოსამართლეობის კანდიდატის, მერაბ ლომიძის თქმით, მოსამართლეების შედარება ნარჩენებთან, კლანთან და მაფიასთან სასამართლოზე შეტევაა. ამის შესახებ მას იუსტიციის საბჭოს მოსამართლე წევრმა, ვასილ მშვენიერაძემ ჰკითხა.

ლომიძე დაეთანხმა მშვენიერაძეს, რომ ეს ყველაფერი სასამართლოს დამოუკიდებლობას და რეიტინგის გაზრდას უშლის ხელს.

"შეტევაზე როცა ვსაუბრობთ, ამ გარემოებებს ვგულისხმობ. მეც სისტემის ნაწილი ვარ, მოსამართლე ვარ და როცა მოიხსენებენ, აი, ამ ტერმინებით, კლანებით, რა ტერმინები აღარ მომისმენია, აბა, რა არის ეს, თუ არა სასამართლოზე შეტევა?" — თქვა მოსამართლეობის კანდიდატმა.