როგორც იცით დისნეიმ მეფე ლომის ციფრულად გაცოცხლებული ვერსია გადაიღო, რომლის შემოსავალმაც ამ ეტაპისთვის $963 მილიონს მიაღწია.

ყველასთვის საყვარელი სიმბას ციფრულად გასაცოცხლებლად დისნეის ანიმატორებს მოდელი სჭირდებოდათ, რომლის ქცევასაც, მანერებს და ვიზუალს შეისწავლიდნენ და ანიმაციისთვის გამოიყენებდნენ. ასეთი კანდიდატი კი ტეხასში, ქალაქ დალასის ზოოპარკში იპოვეს, რომელსაც ბაჰატი ჰქვია.

სიმბა მამრია, მისი ცოცხალი მოდელი კი — მდედრი, თუმცა ამას დიდი მნიშვნელობა არ აქვს, რადგან "ლეკვი ლომისა სწორია, ძუ იყოს თუნდა ხვადია". მოკლედ, ლომი ლომია.

ბაჰატის პირველი ნაბიჯებიდან, მის გაზრდამდე თითქმის ყველა მოძრაობას ზოოპარკის თანამშრომლები იღებდნენ და დისნეის ანიმატორებს უგზავნიდნენ შესასწავლად.

ბაჰატი ახლა პატარა აღარ არის, ის ორწლინახევრის ზრდასრული ლომია. მისი პატარაობის სხვა ფოტოებს და ვიდეოებს დალასის ზოოპარკის ინსტაგრამზე იპოვით.