ნაციონალური მოძრაობის ერთ-ერთმა ლიდერმა, გიგა ბოკერიამ რუსთავი 2–ის ეთერში განაცხადა, რომ გივი თარგამაძის მანქანის აფეთქება, მათი ეჭვით, სუს-ის უფროსისა და თარგამაძის დაპირისპირებას უკავშირდება:

"ეს არის კიდევ ერთი დასტური სამწუხაროდ იმისა, თუ საით მიჰყავს ივანიშვილსა და მის გუნდს ქვეყანა საერთოდ. იგი იმ დროში გვაბრუნებს, როცა სამწუხაროდ, არ გვიკვირდა მსგავსი უბედურებები. გივი თარგამაძეს ვისთანაც ჰქონდა დაპირისპირება, ეს არის სუსი და მისი უფროსი გოგაშვილი. ეს საჯაროდ ცნობილი ამბავია და რა თქმა, უნდა ყველას გვაქვს ეჭვი, რომ ეჭვმიტანილად ჩავთვალოთ ის. სანამ რამეს ვიტყვით და სანამ მოგვეცემა რამის თქმის საშუალება, ეჭვმიტანილი კი არა, ბრალდებული და განაჩენგამოტანილია ამ ვითარებაში, ივანიშვილი და მისი გუნდი."

შემთხვევა თბილისში, კოლმეურნეობის მოედანზე, დღეს საღამოს მოხდა. დაზიანებულია მიმდებარე შენობები, ასევე ახლომდებარე ავტომობილები. არსებული ინფორმაციით, 3 ადამიანია დაშავებული. შინაგან საქმეთა სამინისტრომ გამოძიება უკვე დაიწყო.