საქართველოს პარლამენტის ახალი რეგლამენტის ამოქმედების შემდეგ არასაპატიო გაცდენების გამო სულ 29 დეპუტატი დააჯარიმეს. მათ ხუთ თვეში როგორც საკომიტეტო, ისე პლენარული სხდომების გაცდენების გამო, ჯამში, 52 975 ლარი ჩამოეჭრათ. საბოლოოდ, იმ დეპუტატების ხუთეული, რომელსაც გაცდენების გამო ხელფასიდან ყველაზე მეტი თანხა ჩამოაჭრეს, ასე გამოიყურება:

• კახაბერ ოქრიაშვილი, ქართული ოცნება — 7 111 ლარი;
• რუსლან გაჯიევი, ქართული ოცნება — 6 936 ლარი;
• დიმიტრი სამხარაძე, ქართული ოცნება — 5 654 ლარი;
• ივლიანე წულაია, ქართული ოცნება — 4 624 ლარი;
• ირაკლი ხახუბია, ქართული ოცნება —2 370 ლარი.

საგაზაფხულო სესიის პლენარული სხდომა თებერვალში გაიხსნა და ივნისის ბოლო პარასკევს დაიხურა. On.ge-ს მიერ საქართველოს პარლამენტიდან გამოთხოვილი საჯარო ინფორმაცია თებერვალში, მარტში, აპრილში, მაისსა და ივნისის თვეებში დეპუტატების არასაპატიო გაცდენებისა და შესაბამისი ჯარიმების ოდენობას მოიცავს. დეპუტატის მინიმალური ხელფასი 4 623 ლარია.

დეპუტატები, რომლებმაც საგაზაფხულო სესიები გააცდინეს

2019 წლის საგაზაფხულო სესიის განმავლობაში პარლამენტში სულ 39 პლენარული სხდომა ჩატარდა. 2019 წლის საგაზაფხულო სესიაზე არასაპატიო მიზეზით ორზე მეტჯერ 24-მა დეპუტატმა გააცდინა.

ქართული ოცნება — 16 დეპუტატი

• გია ბენაშვილი — 4;
• რუსლან გაჯიევი — 10;
• ოთარ დანელია — 3;
• ცოტნე ზურაბიანი — 3;
• ედიშერ თოლორაია — 7;
• ლევან კობიაშვილი — 3;
• სამველ მანუკიანი — 3;
• სულხან მახათაძე — 5;
• კახაბერ ოქრიაშვილი — 6;
• დიმიტრი სამხარაძე — 7;
• ალექსანდრე ქანთარია — 3;
• შოთა შალელაშვილი — 6;
• ივლიანე წულაია — 8;
• ლერი ხაბელოვი — 6;
• ირაკლი ხახუბია — 7;
• ზაქარია ქუცნაშვილი — 4.

ნაციონალური მოძრაობა — ერთი დეპუტატი

• კობა ნაყოფია — 5;

პატრიოტთა ალიანსი — ერთი დეპუტატი

• ირმა ინაშვილი — 4;

ევროპული საქართველო — ორი დეპუტატი

• სერგი კაპანაძე — 3;
• ოთარ კახიძე — 4.

ოთხი დამოუკიდებელი დეპუტატები

• ზვიად კვაჭანტირაძე — 3;
• ლევან კობერიძე — 4;
• ნატო ჩხეიძე — 4;
• დავით ჭიჭინაძე — 3.

პლენარული სხდომების გაცდენისთვის სანქცირებულები

პარლამენტიდან გამოთხოვილი საჯარო ინფორმაციით, თებერვლიდან ივნისის ჩათვლით პლენარული სხდომების განცდების გამო დაჯარიმდა 24 დეპუტატი, მათგან ყველაზე მეტი თანხა, 3 699,2 ლარი დაექვითა ქართული ოცნების დეპუტატს რუსლან გაჯიევს პლენარული სხდომის 10-ჯერ გაცდენისთვის.

ქართული ოცნება

1. გია ბენაშვილი — 1 005 ლარი;
2. რუსლან გაჯიევი — 3 699 ლარი;
3. ოთარ დანელია — 554 ლარი;
4. ცოტნე ზურაბიანი — 462 ლარი;
5. ედიშერ თოლორაია — 2 312 ლარი;
6. ლევან კობიაშვილი — 462 ლარი;
7. სამველ მანუკიანი — 502 ლარი;
8. სულხან მახათაძე — 1 387 ლარი;
9. კახაბერ ოქრიაშვილი — 2 188 ლარი;
10. დიმიტრი სამხარაძე — 2 570 ლარი;
11. ალექსანდრე ქანთარია — 502 ლარი;
12. შოთა შალელაშვილი — 2007 ლარი
13. ივლიანე წულაია — 2 774 ლარი;
14. ლერი ხაბელოვი — 2 010 ლარი;
15. ირაკლი ხახუბია — 2 370 ლარი;
16. ზაქარია ქუცნაშვილი — 925 ლარი.

ნაციონალური მოძრაობა

1. კობა ნაყოფია — 1 507 ლარი.

პატრიოტთა ალიანსი

1. ირმა ინაშვილი — 1 268 ლარი.

ევროპული საქართველო

1. სერგი კაპანაძე — 634 ლარი;
2. ოთარ კახიძე — 1 094 ლარი.

დამოუკიდებელი დეპუტატები

1. ზვიად კვაჭანტირაძე — 502 ლარი;
2. ლევან კობერიძე — 948 ლარი;
3. ნატო ჩხეიძე — 1 005 ლარი;
4. დავით ჭიჭინაძე — 462 ლარი.
   
   

ჯამში 33 154 ლარი

კომიტეტების გაცდენისთვის სანქცირებულები

თუ 2 კომიტეტში გაწევრებული პარლამენტის წევრი ერთი თვის განმავლობაში არასაპატიო მიზეზით ორჯერ არ დაესწრება კომიტეტის სხდომას, ხოლო 1 კომიტეტში გაწევრებული პარლამენტის წევრი ერთი თვის განმავლობაში ერთხელ, მას ყოველი მომდევნო სხდომის არასაპატიო მიზეზით გაცდენისთვის ხელფასის 10 პროცენტი დაუკავდება. ამ წესით, კომიტეტების გაცდენებისთვის სულ 14 დეპუტატი დაჯარიმდა. ესენია:

ქართული ოცნება

1. დიმიტრი სამხარაძე — 3 084 ლარი;
2. კახაბერ ოქრიაშვილი — 4 923 ლარი;
3. ივლიანე წულაია — 1 849 ლარი;
4. რუსლან გაჯიევი — 3 237 ლარი;
5. დავით სონღულაშვილი — 462 ლარი;
6. სულხან მახათაძე — 462 ლარი.

ნაციონალური მოძრაობა

1. კობა ნაყოფია — 502 ლარი;
2. ნიკანორ მელია — 502 ლარი.

ევროპული საქართველო

1. ირაკლი აბესაძე — 514 ლარი;
2. გიგა ბოკერია — 502 ლარი;
3. ოთარ კახიძე — 547 ლარი;
4. გიორგი ღვინიაშვილი — 1 094 ლარი.

პატრიოტთა ალიანსი

1. ირმა ინაშვილი — 634 ლარი.

დამოუკიდებელი დეპუტატი

1. ნატო ჩხეიძე — 1 507 ლარი.

სულ 19 821 ლარი

დაჯარიმების წესი

თუ 2 კომიტეტში გაწევრებული პარლამენტის წევრი ერთი თვის განმავლობაში არასაპატიო მიზეზით ორჯერ არ დაესწრება კომიტეტის სხდომას, ხოლო 1 კომიტეტში გაწევრებული პარლამენტის წევრი ერთი თვის განმავლობაში ერთხელ, მას ყოველი მომდევნო სხდომის არასაპატიო მიზეზით გაცდენისთვის ხელფასის 10 პროცენტი დაუკავდება.

სესიის განმავლობაში არასაპატიო მიზეზით გაცდენილი ორზე მეტი პლენარული სხდომიდან თითოეულისთვის, დეპუტატს ხელფასის 10 პროცენტი დაუკავდება. იგივე წესი ვრცელდება რიგგარეშე სხდომებზეც.

პარლამენტის წევრისათვის ერთჯერადად დაკავებული ხელფასის საერთო რაოდენობა არ უნდა აღემატებოდეს პარლამენტის წევრის ხელფასის 50 პროცენტს.

ახალი რეგლამენტით საპროცედურო საკითხთა კომიტეტი ვალდებულია ყოველ თვე დაამუშავოს და საიტზე გამოაქვეყნოს იმ დეპუტატების სია, რომლებსაც კომიტეტის არასაპატიო მიზნით გაცდენის გამო საქციები დაეკისრებათ. იგივე კომიტეტი ყოველი სესიის ბოლოს ადგენს პარლამენტის პლენარული სხდომების გამცდენ პარლამენტის წევრთა სიას, მასში უთითებს თითეული მათგანის მიერ გაცდენილი სხდომების რაოდენობასა და გაცდენის თარიღებს და უზრუნველყოფს ამ სიის პარლამენტის ვებგვერდზე გამოქვეყნებას.

გაცდენის საპატიო და არასაპატიო მიზეზები

პარლამენტის რეგლამენტით, დეპუტატის მიერ სხდომების გაცდენის საპატიო მიზეზად ითვლება:

• სამსახურებრივი მივლინება;
• ოჯახის წევრის დაბადება;
• გარდაცვალება;
• ავადმყოფობა (დადასტურებული საავადმყოფო ფურცლით).

"ოჯახის წევრში" იგულისხმება მეუღლე, პირდაპირი აღმავალი ან დამავალი შტოს ნათესავი, გერი, და, ძმა. თუ დეპუტატი მსგავს დასაბუთებას ვერ ან არ წარადგენს, გაცდენა არასაპატიოდ ჩაითვლება. არასაპატიო გაცდენად არ ითვლება საქართველოს პარლამენტში ოფიციალური ვიზიტით მყოფ სხვა სახელმწიფოს დელეგაციის წარმომადგენლებთან შეხვედრები.

გაიგე მეტი:

• 30 მდუმარე დეპუტატი, რომელსაც 2018 წლის განმავლობაში პარლამენტში ხმა არ ამოუღია;
• 2018 წლის ყველაზე გამცდენი დეპუტატების სია.