რუსეთის ქალაქ სანქტ-პეტერბურგში ლგბტ აქტივისტი, ელენა გრიგორიევა მოკლეს. ინფორმაციას რუსული გამოცემა meduza ავრცელებს.

გამოცემის ცნობით, აქტივისტი სანქტ-პეტერბურგში ორგანიზებულ სხვადასხვა ღონისძიებებში, მათ შორის ომის საწინააღმდეგო და პროდემოკრატიულ აქტივობებში მონაწილეობდა.

რუსეთის ლგბტ ქსელის წარმომადგენელი, დინარ იდრისოვი აღნიშნავს, რომ აქტივისტს ჭრილობები ცივი იარაღით, რვაჯერ მიაყენეს. ის ამბობს, რომ გრიგორიევამ და მისმა ადვოკატმა შესაძლო საფრთხის შესახებ პოლიციას აცნობეს, თუმცა, მათ შესაბამისი რეაგირება არ ჰქონდათ.