საქართველოს ყოფილი პრეზიდენტი, ამჟამად ოდესის ოლქის გუბერნატორი მიხეილ სააკაშვილი ფეისბუკ ლაივის საშუალებით მოქალაქეთა კითხვებს პასუხობს. ერთ–ერთი კითხვა ეხებოდა იმას, თუ როგორ აპირებს ის საქართველოში დაბრუნებას, რაზეც სააკაშვილმა უპასუხა:

"ის ადამიანები ვინც მემუქრებიან დაჭერით, რომ ჩამოვალ, სანდრაზე ადრე მოვლენ საზღვართან და დამხვდებიან, კორიდორსაც გამიკეთებენ,კორიდორსაც გამიკეთებენ, სხვათა შორის. აი ნახავთ ასე თუ არ მოხდა".

მიხეილ სააკაშვილს საქართველოში ჩამოსვლასთან დაკავშირებით აქამდეც უსაუბრია, რაზეც მოქმედი ხელისუფლების პასუხია, რომ მას ქვეყანაში შემოსვლის შემთხვევაში დააკავებენ. მიხეილ სააკაშვილის მიმართ არაერთი გამამტყუნებელი განაჩენი არსებობს საქართველოში და მასზე ქართველ სამართალდამცავებს ძებნა აქვთ გამოცხადებული.