შინაგან საქმეთა სამინისტროს პრესსამსახურის ინფორმაციით, შსს-ს კიბერდანაშაულთან ბრძოლის სამმართველომ, რუსთავი 2-ის გენერალური დირექტორის, ნიკა გვარამიას მიერ მედიასაშუალებებით გავრცელებული ინფორმაციის საფუძველზე, გამოძიება დაიწყო.

ნიკა გვარამიას განცხადებით, ფარული ჩანაწერი, რომელშიც ის საქალაქო სასამართლოს ყოფილ თავმჯდომარეს, მამუკა ახვლედიანს ესაუბრება, თავად მისი გაკეთებულია, თუმცა მისივე თქმით, ქსელში ვიღაც სხვამ გაავრცელა.

გამოძიება საქართველოს სისხლის სამართლის კოდექსის 284-ე და 159-ე მუხლებით მიმდინარეობს, რომლებიც კომპიუტერულ სისტემაში უნებართვო შეღწევისა და პირადი მიმოწერის, ტელეფონით საუბრის ან სხვაგვარი ხერხით, შეტყობინების საიდუმლოების დარღვევას გულისხმობენ.