ბათუმის დედათა და ბავშვთა ჯანმრთელობის ცენტრში გარდაიცვალა ექვსი წლის ბიჭი, რომლის მშობლები ბათუმი-ქობულეთის შემოვლით გზაზე 13 ივლისს ავტოავარიას ემსხვერპლნენ. ინფორმაცია ამის შესახებ On.ge-ს აჭარის ჯანდაცვის სამინისტროში დაუდასტურეს. მათივე თქმით, ბავშვის მდგომარეობა მძიმე იყო. ბიჭის ხუთი წლის და თბილისში, იაშვილის კლინიკაშია გადაყვანილი.

13 ივლისს ბათუმი-ქობულეთის შემოვლით გზაზე ერთმანეთს სამი მინივენი შეეჯახა. ავარიის შედეგად ორი ადამიანი დაიღუპა, 11 კი დაშავდა.

საქმეზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.