მსახიობი სტორმ რიდი, რომელიც A Wrinkle in Time-ში, When They See Us-სა და HBO-ს Euphoria-ში თამაშობდა შესაძლოა ჯეიმს განის ახალ Suicide Squad-ში ვიხილოთ. როგორც ცნობილია, მსახიობს იდრის ელბას პერსონაჟის შვილის როლზე განიხილავენ. ჯერჯერობით უცნობია, თუ ვის თამაშობს თავად იდრის ელბა. ცოტა ხნის წინ გავრცელებული ჭორების მიხედვით, მას ვილ სმიტი უნდა ჩაენაცვლებინა და დედშოთის როლი უნდა შეესრულებინა, თუმცა ჭორები არ გამართლდა და მსახიობს სულ სხვა როლში ვნახავთ ეკრანზე.

კომპანია ვორნერ ბრაზერსის კომენტარით ჯეიმს განი 2016 წელს გამოსული Suicide Squad-ის სიქველს გადაიღებს. ფილმში ისევ შევხვდებით მარგო რობის, ჯოელ ქინემენს, ჯეი კორტნის და ვაიოლა დევისს.

ფილმის ეკრანებზე გამოსვლა 2021 წლის 6 აგვისტოს არის დაგეგმილი.