აქცია #სირცხვილია-ს ორგანიზატორები აცხადებენ, რომ ახლა, როცა პარლამენტთან აქცია იმართება, პრორუსული ძალები და რუსეთის ხელისუფლებისგან მართული ჯგუფები ცდილობენ შექმნან ილუზია, რომ ეს ქვეყანა მათ ეკუთვნით. ორგანიზატორების განცხადება მიშა მშვილდაძემ გმირთა მოედანზე გააცნო მედიას.

"დღეს პარლამენტის წინ ადგილობრივი გავრილოვები ცდილობენ თავისუფალი სივრცის სიმბოლურად დაპატრონებას", — თქვა მშვილდაძემ.

#სირცხვილია-ს ორგანიზატორები მოქალაქეებს მოუწოდებენ დღეს, 8 ივლისს, 19 საათზე საქართველოს, ევროკავშირისა და ნატოს დროშებით მივიდნენ აქციაზე.

დღეს, 8 ივლისს #სირცხვილია-ს მე-19 დღეს პარლამენტთან ჰომოფობიური ჯგუფის წარმომადგენელები შეიკრიბნენ და აქციის გამართვა დაიწყეს.