შინაგან საქმეთა სამინისტროში უარყოფენ ინფორმაციას, რომ 20 ივნისის აქციის დაშლაში მონაწილე სპეცრაზმის წევრებსა და პოლიციის თანამშრომლებს პრემიები დაურიგდათ. პრემიების დარიგების შესახებ ინფორმაცია ტელეკომპანია რუსთავი 2-მა გაავრცელა.

20 ივნისს თბილისში რუსი დეპუტატის საქართველოს პარლამენტში სტუმრობის გასაპროტესტებლად რამდენიმეათასიანი აქცია გაიმართა. გვიან ღამით სპეცრაზმმა აქციის დაშლა რეზინის ტყვიებით, ცრემლსადენი გაზითა და წყლის ჭავლით დაიწყო. დაშავდა მინიმუმ 160 მოქალაქე, მათგან ორს სპეცრაზმის ტყვიამ თვალი დააკარგინა.