საქართველოში რუსული ოპოზიციური პოლიტიკური პარტია იაბლოკოს წარმომადგენლები ჩამოვიდნენ. პარტიის თავმჯდომარის მოადგილე, ალექსანდრე გნეზდილოვი აცხადებს, რომ მათი ჩამოსვლის მიზანია, კეთილმეზობლობისა და მშვიდობის, საქართველოს სახელმწიფოებრიობისა და საერთაშორისოდ აღიარებული საზღვრებისადმი პატივსცემა:

"დღეს, სანამ [რუსული] სახელმწიფო და სახელმწიფოსთან დაახლოებულ საინფორმაციო სააგენტოებში ამდენი სპეკულაციაა საქართველოში მიმდინარე მოვლენების შესახებ, ჩვენ გადავწყვიტეთ საკუთარი თვალებით დავინახოთ ყველაფერი. რთულ დროს პასუხისმგებლიანი პოლიტიკოსის ამოცანაა ქვეყნებსა და ერებს შორის ხიდების აშენება, და არა მათი დაწვა".

რუსული ოპოზიციური პარტიის ვიზიტის შესახებ ინფორმაცია ევროპულ-ქართულმა ინსტიტუტმა გაავრცელა. მათივე ცნობით, საქართველოს გამოცდილების გაზიარების პროგრამის ფარგლებში აღმოსავლეთი პარტნიორობის 4 ქვეყნის (უკრაინა, ბელარუსი, სომხეთი და აზერბაიჯანი) და რუსეთის არასამთავრობო ორგანიზაციების, ლიბერალური პოლიტიკური პარტიების, ტელევიზიებისა და სახელმწიფო უწყებების წარმომადგენლები ხვდებიან საქართველოს პოლიტიკური პარტიებს, არასამთავრობო სექტორისა და საჯარო სტრუქტურების წარმომადგენლებს.

პროგრამა ევროპულ-ქართული ინსტიტუტისა და Friedrich Naumann Foundation for Freedom South Caucasus ორგანიზებით 2019 წლის 1-5 ივლისს ტარდება.

რუსული გაერთიანებული დემოკრატიული პარტია იაბლოკო მონაწილეობდა სახელმწიფო დუმის ყველა არჩევნებში. 1995-2003 წლებში წარმოდგენილი იყო ფრაქციით, ხოლო 2007 ცალკეული დეპუტატებით.

პარტია ოპონირებას უწევდა პრეზიდენტ ბორის ელცინს და მისი პრემიერ-მინისტრების პოლიტიკას. მსგავსი ოპონირება გაგრძელდა პრეზიდენტ ვლადიმერ პუტინის პერიოდშიც. ისინი აკრიტიკებდნენ მის გაზრდილ ავტორიტარიზმს და მხარს უჭერდნენ მტავრობის გადაყენებას.