სურსათის ეროვნული სააგენტო შეისწავლის, იყო თუ არა ვირთხის ფეხი ნიკორას პელმენში. ამის შესახებ On.ge-ს უწყებაში უთხრეს.

"გვაქვს ინფორმაცია და ფაქტთან დაკავშირებით შესაბამის მოკვლევას ჩავატარებთ", — ამბობენ სეს-ში.

სოციალურ ქსელში მოქალაქემ ფოტოები გამოაქვეყნა და დაწერა, რომ ნიკორაში შეძენილ პელმენში ვირთხის ფეხი აღმოაჩინა.

გამოცემა ნეტგაზეთს ნიკორაში განუცხადეს, რომ პელმენებს ექსპერტიზა ჩაუტარეს. მათივე ინფორმაციით, კომპანიაში სხვა დამატებითი დეტალის შესახებ არ ისაუბრეს.