საუკუნეზე მეტია, რაც მეცნიერებმა აღმოაჩინეს, რომ გეი პინგვინები არსებობენ, თუმცა, პინგვინების პირველი გეი წყვილი, რომელმაც წიწილა გამოჩეკა და მასზე ზრუნვა დაიწყო არც ისე დიდი ხნის წინ დააფიქსირეს.

ბოლო ასეთი შემთხვევა კი ავსტრალიაში მოხდა, როდესაც სიდნეის აკვარიუმის ბინადრებმა, მეჯიქმა და სპენიმ კვერცხი იშვილეს.

სულ ახლახანს კი ლონდონის ზოოპარკში, ყველაზე ცნობილი გეი პინგვინების საცხოვრებელთან გამოჩნდა ბანერი, წარწერით: "ზოგიერთი პინგვინი გეია, შეეგუეთ" — 2015 წელს რონიმ და რეგიმ ასევე წარმატებულად იშვილეს წიწილა, რომელზეც განსაკუთრებულად ზრუნავდნენ.

სწორედ ამიტომ, პინგვინები 5 ივლისს ლონდონის ზოოპარკში პრაიდს მოაწყობენ და რამდენიმე დღიანი ღონისძიების ფარგლებში ლგბტ ადამიანებსაც დაუჭერენ მხარს.

"ჩვენ ძალიან მოგვწონს ეს კამპანია და ამით ხალხს გვინდა შევახსენოთ, რომ ერთნაირ სქესიანთა ურთიერთობები ცხოველთა სამყაროშიც არსებობს — ისევე, როგორც ჩვენი პინგვინების კოლონიაში. პრაიდის დღეები არაჩვეულებრივი შესაძლებლობა იქნება სტუმრებისთვის, რათა ველურ ბუნებაზე გაცილებით მეტი გაიგონ", — ამბობენ ლონდონის ზოოპარკის წარმომადგენლები.