საქართველოს პრემიერ-მინისტრი, მამუკა ბახტაძე პარლამენტში მთავრობის საქმიანობის წარსადგენად პარლამენტში აღარ მიდის. ამის შესახებ ბიუროს სხდომაზე გახდა ცნობილი. თუ მამუკა ბახტაძე პარლამენტში ხვალ დღის ბოლომდე ანგარიშით არ წარსდგება, ის რეგლამენტს დაარღვევს.

"არსებულ ვითარებაში შეუძლებელი იქნება სამთავრობო პროგრამის განხილვა, ახალი თარიღის განსაზრის მიზნით კონსულტაციები დაიწყო და შეიძლება, რიგგარეშე სხდომაზეც დაინიშნოს პრემიერის მოსმენა", — განაცხადა პარლამენტის თავმჯდომარემ, არჩილ თალაკვაძემ.

პარლამენტის რეგლამენტით, საქართველოს პრემიერ-მინისტრი ვალდებულია წელიწადში ერთხელ, საგაზაფხულო სესიის პლენარული სხდომების ბოლო თვეში პარლამენტს წარუდგინოს მოხსენება სამთავრობო პროგრამის შესრულების მიმდინარეობის შესახებ. აღნიშნული მოხსენება წერილობითი ფორმით პარლამენტს უკვე წარედგინა. საგაზაფხულო სესიის პლენარული სხდომები ხვალ, 28 ივნისს სრულდება.

24 ივნისს გამართული ბიუროს გადაწყვეტილებით, საქართველოს პრემიერ-მინისტრი მამუკა ბახტაძე 27 ივნისს 12 საათზე პარლამენტის წინაშე წლიური ანგარიშით უნდა წარმდგარიყო. მამუკა ბახტაძის პარლამენტში არმოსვლის მიზეზი ამ დროისთვის უცნობია და სავარაუდოდ, ბოლო დროს განვითარებულ მოვლენებს უკავშირდება.