ნეტფლიქსი თავის მაყურებელს ახალ-ახალი და საინტერესო სერიალებით ყოველთვის ანებივრებს. გამონაკლისი არც ეს წელია, კომპანიამ შოუების წარმოებისთვის $5 მილიარდი გამოყო და ამბობენ, რომ ეს თანხა შემდეგ წელს კიდევ უფრო გაიზრდება.

ნოემბერში ნეტფლიქსი კიდე ერთ ახალ დრამას შესთავაზებს მაყურებელს, რომლის ბიუჯეტიც $156 მილიონია.

შოუ დედოფალ ელისაბედ II-ს ახალგაზრდობის წლების შესახებ მოგვითხრობს და სიუჟეტი ელისაბედის ტახტზე ასვლამდე 6 წლით ადრე, 1947 წლიდან დაიწყება. 10 სერიისგან შემდგარი პირველი სეზონი დედოფლის პრინც ფილიპთან ქორწინებას, მამის ჯორჯ VI-ს გარდაცვალებასა და ომის შემდგომი პერიოდის ბრიტანეთს აღწერს.

ფოტო: netflix

ფოტო: netflix

სერიალში ელისაბედ II-სა და პრინც ფილიპის როლებს კლერ ფოი და მეტ სმიტი შეასრულებენ.

როგორც Netflix-სში ამბობენ, ამ დროისთვის “გვირგვინის” ექვსი სეზონის გადაღებაა დაგეგმილი, რომელიც დედოფლის ცხოვრებას მთლიანად აღწერს და ძირითად შემთხვევაში კულუარულ ამბებსაც მოგვიყვება, მათ შორის ერთი სეზონი მთლიანად ლედი დაიანასა და დედოფალ ელისაბედის ურთიერთობას დაეთმობა.