"მეამაყება ეს მოედანი, სადაც იწერება ისტორია ახალი საქართველოსი და ეს ისტორია იწერება ყველაზე ამაყი ფრაზით: "ჩვენ საქართველოს მოქალაქეები", — ეს განცხადება საქართველოს ყოფილმა პრეზიდენტმა გიორგი მარგველაშვილმა პარლამენტთან მიმდინარე აქციაზე გააკეთა.

მისი თქმით, ძალიან მტკივნეულია, რომ ეს ისტორია იწერება სისხლით: "თავისუფლების ხე უნდა იყოს მორწყული პატრიოტთა სისხლით და ეს სისხლი აქ დაიღვარა, ეს სისხლი არის იმის საწინდარი, რომ იქნებით გაერთიანებული, შედუღაბებული ერთმანეთთან მომავლის წინაშე".

მან თქვა, რომ იგივე მისმა თაობამ 30 წლის წინ გააკეთა, თუმცა ძალიან მტკივნეულად.

"მაშინაც აქ დაიღვარა სისხლი უმანკო ბავშვების და ამ სისხლმა, მისმა მისტიკამ დაანგრია უდიდესი იმპერია. ამიტომ ასე ძლიერად გაერთიანებული იმ გმირობით, რომელიც აქ შედგა რამდენიმე დღის წინ, მე მჯერა, რომ მომავალი დაიწერება ძალიან ნათელი და ძალიან წმინდა. იმ ხალხს, რომელიც სამწუხაროდ დღეს თქვენ დაგიპირისპირდათ ძალიან სუსტი ილეთები და ხრიკები გააჩნიათ თქვენს წინააღმდეგ. აქ არის სიმართლე, ძალა და ჭეშმარიტი სურვილი საქართველოს მომავლის", — თქვა მარგველაშვილმა.

მან ხაზი გაუსვა აქციის მონაწილეების მოთხოვნებს, რომ უცვლელი და მტკიცეა.

"კობახიძე — "ეტა რას", გახარია — "ეტა დვა", — განაცხადა გიორგი მარგველაშვილმა.