რუსეთმა 8 ქართულ კომპანიას ღვინის შეტანა აუკრძალა. როსპოტრებნადზორი აცხადებს, რომ კომპოანიების მიერ ინპორტირებული ღვინოები არ შეესაბამებოიდა სავალდებულო მოთხოვნებს.

ფედერალური უწყების ინფორმაციით, 2014 წლიდან 2018 წლამდე იმ ალკოჰოლის რაოდენობა, რომელიც არ შეესაბამება მოთხოვნილ ნირმებს 2,9-ჯერ გაუზარდა და წინა წელს 203 ათასი ლისტრი შეადგინა.

კომპანიები, რომელსაც რუსეთმა იმპორტი შეუზღუდა:

  1. სს ბაგრატიონი 1882;
  2. შპს ბოლერო და კომპანია;
  3. შპს კახეთის ტრადიციული მეღვინეობა;
  4. შპს ბადაგონი;
  5. შპს ქართული ღვინის სახლი;
  6. შპს ქართული ღვინის კორპორაცია;
  7. ქართული ღვინო და ალკოჰოლური სასმელები;
  8. შპს ბატონი.

საქართველომ მსგავსი გამოციდელება 2006 წელს უკვე მიიღო. მაშინ ეკონომიკური ემბარგოს შემდეგ იმ პროდუქციის მწარმოებლებმა, რომლებიც მუშტარს რუსეთში პოულობდნენ, მომდევნო წლებში შეძლეს გასაღების ბაზრის დივერსიფიცირება. შედეგად რუსეთი არც ექსპორტისა და არც იმპორტის მიმართულებით პირველ ხუთეულში არ შედიოდა.

ეკონომიკური და ენერგეტიკული ბლოკადის მიუხედავად, 2006 წელს საქართველოს ეკონომიკა 6,9 პროცენტით გაიზარდა. ამ პროცესების შედეგად რუსეთის ბაზარზე დამოკიდებულება საქართველოში ისტორიულ მინიმუმამდე დავიდა. გაიზარდა ქართული საექსპორტო პროდუქციის ხარისხიც, ვინაიდან ეს პროდუქცია უფრო მაღალი სტანდარტების ბაზრის მოთხოვნებზე გადაეწყო. ასევე, მნიშვნელოვნად გაიზარდა სხვადასხვა სერვისების ხარისხიც, რომელიც უფრო მაღალ გადახდისუნარიან კლიენტს ემსახურებოდა.