აქციაზე რეზინის ტყვიით დაშავებული ბიჭი, მსახიობი დემეტრე ნაყოფია თვალში სინათლეს ხედავს. ინფორმაციას ამის შესახებ ფეისბუქზე დემეტრეს დედა ავრცელებს. როგორც ფბ-ზე ბიჭის მეგობარი, მსახიობი ლაშა გურგენიძე წერს, გერმანიიდან ჩამოჰყავთ სპეციალისტთან ჯგუფი, რომლებიც მუდმივად დააკვირდებიან და დაგეგმავენ შემდგომი მკურნალობისა და აღდგენის პროცესს.

დემეტრე ნაყოფიას 20 ივნისს აქციის დაშლის დროს თვალში რეზინის ტყვია მოხვდა. ექიმებმა მისთვის თვალის შენარჩუნება შეძლეს.

აქციის დაშლის დროს კლინიკებში 240 მოქალაქე გადაიყვანეს, რომელთაგან 80 სამართალდამცავი იყო. დაშავებულებიდან 2-მა თვალი დაკარგა, მათ შორის 18 წლის გოგომ, რომელიც, მისი დის თქმით, უბრალო გამვლელი იყო და აქციაში არ მონაწილეობდა. დაზიანებები მიიღეს 30-ზე მეტმა ჟურნალისტმა, მათ შორის იყვნენ On.ge-ს სამი თანამშრომელი. ამ დროისთვის კლინიკებში მკურნალობას 54 პირი აგრძელებს.

შინაგან საქმეთა სამინისტრომ სხვადასხვა სამართალდარღვევისთვის ჯამში 305 ადამიანი დააკავა. საქმეზე გამოძიება სისხლის სამართლის კოდექსის 225-ე მუხლით, რაც ჯგუფური ძალადობის ორგანიზებას, ხელმძღვანელობას ან მასში მონაწილეობას გულისხმობს.