მაია ცქიტიშვილი არ ადასტურებს მედიაში გავრცელებულ ინფორმაციას, რომ ის, შესაძლოა პრემიერი გახდეს. ამის შესახებ მან დღეს, 17 ივნისსმთავრობის სხდომის შემდეგ ბრიფინგზე განაცხადა:

"ასეთი ჭორები, ასეთი ინფორმაცია ემსახურება იმას, რომ მოსახლეობას შეექმნას არასტაბილურობის განცდა. ეს არის ჭორი, ზოგჯერ პოლიტიკურად მოტივირებული, ზოგჯერ სხვა მიზეზებით. შემიძლია დაგარწმუნოთ რომ არავითარ ცვლილებებზე საუბარი არ არის", — განაცხადა მაია ცქიტიშვილმა.

ეს საკითხი უარყო პრემიერ-მინისტრმა მამუკა ბახტაძემაც. მისი თქმით, მსგავსი ინფორმაცია მუდმივად ვრცელდება და ეს ყველაფერი არასერიოზულია.

"მე წარდგენილი მაქვს ჩემი სამთავრობო პროგრამა ჩემს სამთავრობო გუნდთან ერთად და მას ვახორციელებ. ეს არის ყველაზე მნიშვნელოვანი. ამავე დროს ანგარიშვალდებული ვარ ქართველი ხალხისა და საქართველოს პარლამენტის წინაშე", — თქვა პრემიერმა.