ვადამდელ საპარლამენტო არჩევნებში გამარჯვების შემთხვევაში უკრაინის ყოფილი პრეზიდენტი, პეტრო პოროშენკო მზადაა, პრემიერ-მინისტრი გახდეს. ამის შესახებ მან უკრაინულ მედიას განუცხადა. არჩევნები უკრაინაში 21 ივლისს გაიმართება.

კითხვაზე იქნება თუ არა ის რადას დეპუტატი თუ არჩევნების შემდეგ მანდატს დატოვებს პოროშენკომ უპასუხა:

"მტკიცედ ვარ დარწმუნებული, რომ პარტიისა და ფრაქციის ქმედებებისთვის, როგორც პარტიის ლიდერი სრულ პასუხისმგებლობას ვატარებ".

საპრეზიდენტო არჩევნებში დამარცხების შემდეგ პეტრო პოროშენკომ განაცხადა, რომ პოლიტიკიდან წასვლას არ აპირებს. მის პარტიას პეტრო პოროშენკოს ბლოკი — სოლიდარობა სახელი გადაერქვა და ახლა ევროპული სოლიდარობა ჰქვია. 31 მაისს პარტიის თავმჯდომარედ პოროშენკო აირჩიეს. გარდა ამისა, საპარლამენტო არჩევნებისთვის პარტიის სიის სათავეში თვითონ პოროშენოა.