უკრაინის ყოფილი პრეზიდენტი, პეტრო პოროშენკო უმაღლესი რადას დეპუტატად იყრის კენჭს. ვადამდელი საპარლამენტო არჩევნები 21 ივლისს გაიმართება.

კიევში პოროშენკოს პარტიის, ევროპული სოლიდარობის ყრილობა გაიმართა, სადაც სიის პირველი ათეული გავრცელდა. სიის სათავეში თვითონ პოროშენკოა, ხოლო მეორე ადგილზე რადას სპიკერი ანდრეი პარუბია.

ყოფილი პრეზიდენტის პარტიამ პეტრო პოროშენკოს ბლოკი — სოლიდარობა სახელი 24 მაისს შეიცვალა და ევროპული სოლიდარობა გახდა. 31 მაისს პარტიის თავმჯდომარედ ყოფილი პრეზიდენტი აირჩიეს.

პეტრო პოროშენკო უკრაინის პრეზიდენტი 2014-2019 წლებში იყო. 21 აპრილის არჩევნებზე ის მსახიობ ვოლოდიმირ ზელენსკისთან დამარცხდა.