პრემიერ-მამუკა ბახტაძის თქმით, მომავალი წლის ბოლომდე რაჭაში ყველა სკოლის რეაბილიტაცია დასრულდება და ახალი სკოლებიც აშენდება. ამის შესახებ მან დღეს, 2 ივნისს ამბროლაურის სოფელ გოგოლათში სტუმრობისას თქვა. მთავრობის გადაწყვეტილებით, ისტორიულ-კულტურული მემკვიდრეობის ძეგლ გოგოლათს ეროვნული კატეგორიის სტატუსი მიენიჭა.

პრემიერ-მინისტრმა ყურადღება გაამახვილა იმაზეც, რომ რაჭაში ადგილობრივ მოსახლეობას თავიანთ მამაპაპისეულ სახლებში დაბრუნების შესაძლებლობები უნდა შეექმნას.

ცახის თემის სოფელ გოგოლათში 2014 წლის აღწერის მონაცემებით 15 ადამიანი ცხოვრობს, 2002 წელს კი მათი რაოდენობა 36 იყო. ამბროლაურის მუნიციპალიტეტში 2002 წლის აღწერით 16 225 ადამიანი ცხოვრობდა, 2014 წლის მონაცემებით კი მოსახლეობის რაოდენობა 9 139-მდე შემცირდა.