თბილისში, საცხოვრებელ ბინაში, სავარაუდოდ, გაზი აფეთქდა. საგენგებო სიტუაციების მართვის სამსახურის ინფორმაციით, აფეთქებას ნგრევა არ მოყოლია, მაგრამ 3 ადამიანი დაშავდა.

უწყებაში ამბობენ, რომ ორი მათგანი მსუბუქად არის დაშავებული, ერთი კი სასწრაფო სამედიცინო დახმარებამ საავადმოფოში გადაიყვანა.

ყაზტრანსგაზ-თბილისის ინფორმაციით, აფეთქების მიზეზი, სავარაუდოდ, ღიად დატოვებული გაზქურის ონკანი გახდა. მათი თქმით, აფეთქების შესახებ ინფორმაცია კომპანიის ცხელ ხაზზე 18:41 წუთზე შევიდა. მათივე თქმით, კომპანიის სპეციალისტების მიერ შემთხვევის ადგილის დათვალიერებისას დადგინდა რომ აღნიშნული კორპუსი გაზის დიდი რაოდენობით დაგროვების გამო ძლიერ აფეთქებას გადაურჩა.