თბილისის სახელმწიფო უნივერსიტეტის ახალი რექტორი, გიორგი შარვაშიძე სტუდენტების პროტესტთან დაკავშირებით აცხადებს, რომ ის მზადაა, ნებისმიერ სტუდენტთან შევიდეს დიალოგში:

"დიალოგს ალტერნატივა არ გააჩნია. ნებისმიერ სტუდენტთან, იქნება 115 თუ თვითმმართველობა, იქნება 1 ინდივიდუალური სტუდენტი, ყველასთან შევალ დიალოგის რეჟიმში. დემოკრატიულ საზოგადოებაში დიალოგს არ აქვს ალტერნატივა, კიდევ ერთხელ ვამბობ, რაც არ უნდა ხმაურიანი, ან არახმაურიანი პერფორმანსები მოაწყონ ჩვენმა ახალგაზრდებმა. ეს უკვე ტრადიციად იქცა, პირველი არ არის, გაისად ვნახოთ რა იქნება".

დღეს საზეიმო მიღება, რომელსაც მინისტრები, თბილისის მერი და თსუ-ს ხელმძღვანელები პირველკურსელთათვის თბილისის სახელმწიფო უნივერსიტეტში მართავდნენ, აუდიტორია 115-მა ჩაშალა.