ალერგია ადმიანის ორგანიზმში მიმდინარე, იმ გარემო ფაქტორებზე გაძლიერებული რეაქციაა, რომელებიც, ჩვეულებრივ, მსგავს გამოვლინებებს არ უნდა იწვევდეს.

მტვერი, მცენარეები, საკვები — ეს იმ ფაქტორების მცირე ჩამონათვალია, რომელთაც ალერგიული ადამიანების ჯანმრთელობისთვის, სერიოზული ზიანისა და დისკომფორტის გამოწვევა შეუძლიათ.

მიუხედავად იმისა, რომ გამოვლინებები, რომლებიც ალერგიაზე მიუთითებენ, ხშირად სხვა დაავადებებსაც ახასიათებთ და მათი არსებობის შემთხვევაში დიაგნოზი ყველა ვარიანტში პროფესიონალმა ექიმმა უნდა დასვას, ჩამოგითვლით 10 გავრცელებულ სიმპტომს, რომელიც ალერგიაზე მიგვანიშნებს:

1. ცემინება, სურდო

შეიძლება უბრალოდ გაცივდით, თუმცა, ისიც უნდა იცოდეთ, რომ ცემინება და სურდო ალერგიის ერთ-ერთი ყველაზე გავრცელებული სიმპტომია.

2. ქავილი

თუ სხეული გექავებათ და კოღოს ნაკბენის კვალი არსად ჩანს, ნამდვილად ღირს გადაამოწმოთ ალერგია გაქვთ რამეზე, თუ - არა.

3. გამომშრალი, დამსკდარი, ან გაწითლებული კანი

გამომშრალი, დამსკდარი და გაწითლებული კანიც ალერგიის ერთ-ერთი პირველი და გავრცელებული სიმპტომია.

4. ცრემლდენა

თუ მტვრიან ოთახში მოხვდით, ან რომელიმე მცენარეს შეეხეთ და თვალები აგეწვათ, აგიცრემლიანდათ, ეს ნამდვილად ნიშნავს, რომ თქვენს ოპრგანიზმში ალერგიული პროცესები მიმდინარეობს.

5. ტკივილი გულმკერდის არეში

გულმკერდის არეში თუ ძლიერ ტკივილს იგრძნობთ, აუცილებლად გაესინჯეთ ექიმს, რადგან ეს შეიძლება ალერგია, ან რომელიმე სხვა, გაცილებით სერიოზული დაავადება იყოს.

6. ხველა

ალერგიას კიდევ ერთი გამოვლინება ახასიათებს, როცა გაციებული საერთოდ არ ხარ, მაგრამ გაუჩერებლად გახველებს და სუნთქვა გიჭირს.

7. შეშუპება

შეშუპებაც ალერგიის ერთ-ერთი ძირითადი სიმპტომია და ასეთ შემთხვევაშიც აუცილებლად უნდა მიაკითხოთ ოჯახის ექიმს.

8. წითელი გამონაყარი

გამონაყარი ბევრი სხვა მიზეზით შეიძლება აიხსნებოდეს, თუმცა, ერთ-ერთ მთავარ მიზეზად ნამდვილად შეგვიძლია, რომ ალერგია განვიხილოთ.

9. ტუჩების, ენის, ან სახის დასიება

თუ მარწყვი, ან ატამი ჭამეთ და ტუჩები, ენა, ან მთლიანად სახე გაგისივდათ, ეს ნიშნავს, რომ ამ საკვების მიმართ ალერგიული ხართ.

10. გულისრევა, დიარეა და სისუსტე

ალერგია ხშირად ისეთი მძიმე ფორმებითაც მიმდინარეობს, როგორიც არის, გულისრევა, დიარეა, და სისუსტე — ამ და ყველა ზემოთ ჩამოთვლილ შემთხვევებშიც აუცილებელია, რომ დროულად მიაკითხოთ ექიმს.

სეზონურ ალერგიაზე, სწორი კვებით სხვადასხვა დაავადებების პრევენციასა და ქრონიკულ ტონზილიტზე "სხვა შუადღის" წამყვანებმა ექიმ ბიძინა კულუმბეგოვთან ერთად ისაუბრეს: