Yahoo-ს განცხადებით, სახელმწიფოს მიერ დაფინანსებულმა ჰაკერებმა, დაახლოებით, 500 მილიონი მომხმარებლის ინფორმაცია მოიპარეს. აღნიშნული კიბერდანაშაული ყველაზე დიდია მათ შორის, რაც საზოგადოებისთვისაა ცნობილი. ამის შესახებ ინფორმაციას BBC ავრცელებს.

მოპარული ინფორმაცია შეიცავს სახელებს, ელლექტრონულ ფოსტას, ტელეფონის ნომრებს, დაბადების თარიღებს, მაგრამ, როგორც Yahoo ამბობს, არ მოუპარავთ საკრედიტო მონაცემები.

ინციდენტი ჯერ კიდევ 2014 წელს მოხდა, თუმცა ამის შესახებ საზოგადოებისთვის მხოლოდ ახლა გახდა ცნობილი.

აშშ-ის გამოძიების ფედერალური ბიურო საქმეზე გამოძიების მიმდინარეობას ადასტურებს.

კომპანიის თქმით, ინფორმაცია მოიპარა "სახელმწიფოს მიერ დაფინანსებულმა შემსრულებელმა", მაგრამ არ დაუკონკრეტებია, რომელ სახელმწიფოს აკისრებს პასუხისმგებლობას.

ეს არ არის პირველი შემთხვევა, თუმცა ყველაზე მასშტაბური MySpace-ის 359 მილიონი მომხმარებლის ანგარიშის გატეხვა იყო:

  • MySpace - 359 მლნ ანგარიში;
  • LinkedIn - 164 მლნ ანგარიში;
  • Adobe - 152 მლნ ანგარიში;
  • Badoo - 112 მლნ ანგარიში;
  • VK - 93 მლნ ანგარიში;
  • Dropbox - 68 მლნ ანგარიში;
  • tumblr - 65 მლნ ანგარიში;
  • iMesh - 49 მლნ ანგარიში;
  • Fling - 40 მლნ ანგარიში;
  • Last.fm - 37 მლნ ანგარიში;