ჯონ ვიკის მესამე ნაწილის, Parabellum, გამოსვლიდან რამდენიმე დღეში, დაქირავებულ მკლელის ქარტეხილებით სავსე ცხოვრებაზე მეოთხე ფილმი დაანონსდა.

Lionsgate-მა ამის შესახებ ინფორმაცია მოკლე ტექსტური შეტყობინების სახით იმ ფანებს გაუგზავნა, რომლებიც კინოში John Wick: Chapter 3 — Parabellum-ის სანახავად მივიდნენ.

"თქვენ გვემსახურეთ და მომავალშიც გამოგვადგებით. ჯონ ვიკის მეოთხე ნაწილი 2021 წლის 21 მაისს გამოვა", — წერია SMS-ანონსში.

პარაბელუმი 15 მაისს გამოვიდა და ფილმის შემოსავალმა რამდენიმე დღეში 57 მილიონ დოლარს გადააჭარბა.