ბრიტანელმა ტომ ტვეიტსმა სამი დღე, ალპების მთებში თხების ცხოვრებით იცხოვრა და წლის Ig ნობელის პრიზის ერთ-ერთი მფლობელი გახდა, ბიოლოგიის დარგში.

ტომმა სპეციალური პროტეზის საშუალებით ხელები დაიგრძელა და ოთხზე მდგომმა ცხოველივით სიარული დაიწყო. ტვეიტსი დარბოდა სხვა თხებთან ერთად, ძოვდა ბალახს და იქცეოდა ზუსტად ისე, როგორც თხა.

ფოტო: TIM BOWDITCH

Ig ნობელი, იგივე ანტინობელის პრემიაა და წარმოადგენს ნობელის პრიზების პაროდიას. მისი ცერემონიალი ყოველწლიურად, სექტემბრის ბოლოს, ჰარვარდის უნივერსიტეტში იმართება და გამოავლენს 10 ყველაზე უჩვეულო და უსარგებლო მეცნიერულ მიღწევას.

მასთან ერთად Ig ნობელის პრიზი, ბიოლოგიის დარგში გადაეცა კიდევ ერთ ბრიტანელს ჩარლზ ფოსტერს, რომელიც სხვადასხვა დროს, ველურ ბუნებაში ცხოვრობდა, რათა ცხოვრება ცხოველების პერსპექტივიდან დაენახა.

ტვეიტსი აღიარებს, რომ თავდაპირველად, მისი ძალისხმევის მიზანი იყო თანამედროვე ცხოვრების სტრესისთვის თავი დაეღწია.

Ig ნობელის პრიზის სხვა გამარჯვებულებს შორის არიან:

  • მედიცინა - კრისტოფ ჰემქენი და კოლეგები, რომლებმაც აღმოაჩინეს რომ თუკი თქვენი სხეულის მარცხენა მხარე გექავებათ, შეგიძლიათ სარკეში ჩაიხედოთ და მოიქავოთ მარჯვენა მხარე და პირიქით.
  • ფსიქოლოგია - ეველინ დიბეიმ და კოლეგებმა ათასი მატყუარა გამოკითხეს, თუ რამდენად ხშირად იტყუებოდნენ და ერთმანეთში გადაწყვიტეს, დაუჯერეს თუ არა მათ პასუხებს.