თუ სპოილერებისთვის მზად არ ხარ, სდექ!

ფოტო: HBO

ბოლო რამდენიმე დღეა ნახევარი სამყარო Game Of Thrones-ის მეხუთე სერიით ცხოვრობს, რაც გასაკვირი სულაც არ არის. ეს სერია GOT-ის ისტორიაში ერთ-ერთი ყველაზე სადავო გახდა.

ფანების ნაწილისთვის შოკისმომგვრელი იყო ერთ-ერთი მთავარი პერსონაჟის, დეინერის ტარგარიენის რადიკალური ცვლილება. ერთ დროს მონათა განმათავისუფლებელმა დედოფალმა დანებებული ქალაქი გადაწვა და ასიათასობით უდანაშაულო ადამიანის სიცოცხლე იმსხვერპლა.

გაბრაზებისა და იმედგაცრუების გამოსახატად ერთგულმა მაყურებლებმა IMDB-ს მიმართეს და სერიის რეიტინგი 6.8-მდე დააგდეს. სხვებმა სოციალურ ქსელში გადაინაცვლეს და კრიტიკის ქარცეცხლში გახვიეს პროდიუსერები.

საშინელ დღეში ჩაცვივდნენ დედები, რომლებმაც ამ პერსონაჟის პატივსაცემად შვილებს კჰალისი დაარქვეს. მაგრამ, ამ სერიის ნახვა მხოლოდ ფანებისთვის არ ყოფილა რთული.

ყველაზე მძიმედ მეხუთე ეპიზოდი ემილია კლარკმა გადაიტანა. მსახიობმა ინსტაგრამზე დაწერა, რომ ამ სცენების გადასაღებად და სანახავად სასმელს მიეძალა.

მართალია სერიით ბევრია უკმაყოფილო, მაგრამ ყველა აღიარებს, რომ ემილია კლარკმა როლი იდეალურად შეასრულა. ბევრი მას ოქროს გლობუსს და სხვადასხვა ჯილდოებსაც უწინასწარმეტყველებს. ჩვენ კი იმედი გვაქვს, რომ ყველაფერი ერთი ბოთლის დამსახურება არ არის.

ფოტო: HBO