ცნობილმა ამერიკელმა მომღერალმა, მაილი საირუსმა ერთგულ მსმენელს არაჩვეულებრივი საჩუქარი გაუკეთა და საკუთარ ინსტაგრამ გვერდზე ახალი ალბომი წარწერით "She Is Coming" დააანონსა.

ეს პოპვარსკვლავის მეშვიდე სტუდიური ალბომი იქნება, რომელიც უკვე დანამდვილებით შეიძლება ითქვას, რომ 30 მაისს გამოვა.

თუმცა, ქართველი მკითხველისთვის ალბათ ის უფრო საინტერესო და სასიხარულოა, რომ ფოტოზე, რომლითაც ვარსკვლავმა სიახლე გაგვიმხილა, არც მეტი, არც ნაკლები ქართველი დიზაინერის, გიორგი ქებურიას გაზაფხული-ზაფხულის კოლექციიდან შერჩეული სამოსი აცვია.

"ჩემი და ჩემი მეგობრების ფოტო", — წერს მაილი ინსტაგრამზე.

აღსანიშნავია, რომ სხვადასხვა დროს გიორგი ქებურიას სამოსსა, თუ აქსესუარებს ისეთი ვარსკვლავები ატარებდნენ, როგორებიც არიან ლინდსი ლოჰანი, Lorde, კაილი ჯენერი და პამელა ანდერსონი.