საქართველოს მთავრობამ ღვთისმშობლის წილხვდომილობის სადღესასწაულო ღონისძიებებისთვის სარეზერვო ფონდიდან ჯამში 893 940 ლარი გამოყო, აქედან 696 600 ლარი სხვადასხვა ღონისძიებებისთვისაა განუთვნილი, ხოლო 199 340 დაატებითი დაფინანსების ფარგლებში.

შესაბამისი განკარგულება მთავრობის ადმინისტრაციის ვებგვერდზე აიტვირთა. ასევე დამტკიცდა სამოქმედო გეგმა ამავე დღისთვის.

მთავრობის განკარგულების მიხედვით, 480 ათას ლარს განათლების, მეცნიერების, კულტურისა და სპორტის სამინისტრო მიიღებს, 141 600 ლარს — საქართველოს საპატრიარქო, 73 ათას ლარს კი, საგარეო საქმეთა სამინისტრო.

წილხვდომილობასთან დაკავშირებით თბილისსა და რეგიონებში ლექციები, ლიტერატურული საღამოები, კონფერენციები, კინოჩვენებები, სპექტაკლები, ფოლკლორული ანსამბლების ტურნეებია დაგეგმილი.

ღვთისმშობლის წილხვდომილობის თარიღის ამსახველი 150 ათასი ხატის და 150 ათასი ბროშურის ბეჭდვაზე, დიზაინის მომსახურების შესყიდვასა და დარიგებაზე 48 400 ლარი დაიხარჯება.