სენაკის მეორე საჯარო სკოლის 17 მოსწავლე მოწამვლის ნიშნებით საავადმყოფოში გადაიყვანეს. შინაგან საქმეთა სამინისტროს ცნობით, ბავშვების ჯანმრთელობის მდგომარეობა სტაბილურია გამოძიება საქართველოს სსკ-ის 124-ე მუხლით დაიწყო.

სენაკის გარდა, 16-მდე მოსწავლე მოიწამლა რუსთავის მე-15 საჯარო სკოლაში. ისინი სამედიცინო დაწესებულებაში არ გადაუყვანიათ. სურსათის ეროვნული სააგენტოს ცნობით, მომხდარზე მოკვლევა დაიწყეს.

"სკოლის ბუფეტში ტარდება არაგეგმური ინსპექტირება, აიღებენ სურსათის ნიმუშებს, რომელთა კვლევა ჩატარდება აკრედიტებულ ლაბორატორიაში. ლაბორატორიული კვლევის შედეგებს სააგენტო მიღებისთანავე გაასაჯაროებს", — ნათქვამია სურსათის ეროვნული სააგენტოს განცხადებაში.