ძალიან გაგვიჭირდება ისეთი ადამიანის მოძებნა, რომელსაც დამღლელი სამუშაო დღის შემდეგ მეგობრებთან ერთად კინოში წასვლა და რომელიმე ახალი, საინტერესო ფილმის ყურება არ უყვარს.

თუმცა, როგორი საინტერესოც არ უნდა იყოს ფილმი, შეუძლებელია მისი ყურებით დატკბე, ან საერთოდ რამე გაიგო, თუ გვერდით მინიმუმ, იმ 10 ტიპის ნაცნობი, მეგობარი, ან შეყვარებული გიზის, რომელიც ქვემოთაა ჩამოთვლილი.

აი, ასეთ ადამიანებთან ერთად ფილმის ყურება კანონით უნდა იკრძალებოდეს:

1. უკვე ნანახი რომ აქვს ფილმი და შენთან ერთად მეორედ უყურებს

ფოტო: Cami

და ყველა მნიშვნელოვან მომენტამდე ორაზროვან კომენტარებს აკეთებს — ლამის გასპოილერებს.

2. "მოსაწყენი" მომენტების გადახვევას რომ გთხოვს დაჟინებით

ფოტო: Jerzy Wierzy

მოისმენთ მსგავს არგუმენტს: "ეს პერსონაჟი არ მაინტერესებს, პირდაპირ [სახელი] მომენტზე გადავახვიოთ რა"

3. ფილმის პირველივე წუთიდან ცდილობს, რომ ფინალი გამოიცნოს

ფოტო: Julia Hrozian

არა, ბუზი არ დაფრინავს. განუწყვეტელი ზუზუნი, რომელიც ამდენი ხანია გაწუხებს, სწორედ მისგან მოდის.

4. ჯერ ამბობს, რომ პოპკორნი არ უნდა, მერე კი შენსას ჭამს

ფოტო: Alfrey Davilla | vaneltia

აი, შეყვარებული პოპკორნის გარდა, შენს გაზიან სასმელსაც მოურიდებლად მიადგება.

5. კინოთეატრის WI-FI-ს დაჭერას რომ ცდილობს და ტელეფონს სახეში განათებს

ფოტო: Marco Goran Romano

შენთან ერთად თუ არ დაჩექინდა, ისე როგორ?!

6. სავარძლის ორივე მხარეს რომ უდევს ხელი

ფოტო: Mark Shemarov

ან სავარძლის ორივე ჩასადებში საკუთარი სასმელი და პოპკორნი.

7. უცხოენოვან სეანსზე მოგყვება, მაგრამ ერთი სიტყვაც არ ესმის

ფოტო: Ayush Shrestha

და მერე მთელი ფილმის სინქრონული თარგმნა გიწევს.

8. ზედმეტად ემოციურად იცინის, ან შიშისგან სავარძელს ეხუტება

ფოტო: Ingūna Ziemele

ჰო, ხალხში თავს გჭრის და რამე.

9. სულ ხმის დაწევას რომ გთხოვს

ფოტო: Masudur Rahman

"რა იყო, დაყრუვდი?!" — ასეთი სახით.

10. ფილმის წინა ნაწილები ნანახი რომ არ აქვს

ფოტო: Elise Lesueur

და ვერაფერი გავიგე, საერთოდ არ მომწონსო გაიძახის.