ემი შუმერსა და მის ქმარს, კრის ფიშერს შვილი შეეძინათ. მან ახალშობილის ფოტო საავადმყოფოს პალატიდან გამოაქვეყნა.

"ჩვენი სამეფო ბავშვი დაიბადა", - დაწერა ემიმ ინსტაგრამზე. მან და მეგან მარკლმა ერთ დღეს იმშობიარეს.

ეს ძალიან სასაცილო დამთხვევაა, რადგან, როდესაც ემიმ თავისი ორსულობის შესახებ გვამცნო, მან თავისი და ქმრის თავები მეგანისა და ჰარის ტანზე მიაფოტოშოპა.

შუმერმა 2018 წლის დასაწყისში საიდუმლოდ იქორწინა შეფ-მზარეულ კრის ფიშერზე.