App Store-ში ახალი აპლიკაცია Healthier Me გამოჩნდა, რომელიც სპეციალურად აუტისტი ბავშვებისთვის შეიქმნა.

როგორც წესი, აუტისტი ბავშვების ჯანმრთელობა ძირითადად იმ ადამიანებზეა დამოკიდებული, ვინც მათზე ზრუნავენ. მზრუნველები აკონტროლებენ მათ კვებას, ჰიგიენას, ჯანმრთელობას და ა.შ.

ერთ-ერთმა ამერიკულმა კლინიკამ, რომელიც ბავშვთა ჯანმრთელობაზე სპეციალიზდება, შექმნა აპლიკაცია, რომელიც აუტისტ ბავშვებს ცხოვრებას გაუმარტივებს. ეს აპლიკაცია მათ დაეხმარება იმაში, რომ გახდნენ უფრო დამოუკიდებლები და მარტოობისას საკუთარ თავზე ზრუნვა ისწავლონ.

აპლიკაცია მომხმარებელს პერიოდულად ახსენებს იმ აქტივობების შესახებ, რომელიც უნდა გააკეთოს. გარდა ამისა, პროგრამა კვების რეჟიმის დაგეგმვასა და კონტროლშიც ეხმარება. იგი აძლევს რჩევებს, მაგალითად ისეთს, როგორიცაა წყლის მიღების მნიშვნელობა.

ყველაფერთან ერთად, პროგრამა კბილის გახეხვის, შხაპის მიღების და სხვა ჰიგიენური აქტივობების აუცილებლობასაც ახსენებს მის მომხმარებელს.