ვარკეთილში, საცხოვრებელ სახლში CO-ს დაგროვების შედეგად ოთხი ადამიანი მოიწამლა. ინფორმაცია On.ge-ს ყაზტრანსგაზში დაუდასტურეს. კომპანიაში განმარტავენ, რომ მხუთავი აირის დაგროვება, სავარაუდოდ, არასწორად დამონტაჟებულმა წყლის გამათბობელმა გამოიწვია.

ისინი სასწრაფო სამედიცინო დახმარების ჯგუფებმა საავადმყოფოში გადაიყვანეს. ექიმების თქმით, მათ სიცოცხლეს საფრთხე არ ემუქრება. შემთხვევის ადგილზე ექსპერტ-კრიმინალისტები მუშაობენ.