მას შემდეგ რაც მსოფლიო ანჯელინა ჯოლისა და ბრედ პიტის განქორწინების შესახებ ალაპარაკდა, რა თქმა უნდა, თითოეულ ჩვენგანს, თუ არა უმეტესობას მაინც, თავში ერთი სახელი და გვარი გვიტრიალებდა - ჯენიფერ ენისტონი.

2000-2005 წლებში ენისტონს პლანეტის ყველაზე ბედნიერ ქალად თვლიდნენ რადგან მის გვერდით ჩვენი დროის ერთ-ერთი ყველაზე სექსუალური და წარმატებული მსახიობი ბრედ პიტი იყო.

ფოტო: AP

მაგრამ 2005 წელს ჯენიფერსა და ბრედს შორის უფსკრული გაჩნდა - ანჯელინა ჯოლი.

ფოტო: getty

როდესაც ბრანჯელინაზე იწერება, იქვე აუცილებლად ახსენებენ ჯენიფერსაც.

ფოტო: getty

ჰოლივუდის ყველაზე პოპულარული წყვილის დაშორების შემდეგ მათი კომენტარებიც გამოქვეყნდა, "ძალიან ვწუხვარ ჩემი და ანჯელინას დაშორების გამო, მაგრამ ახლა ყველაზე მთავარი ჩვენი ბავშვების კეთილდღეობაა", თქვა განცხადებაში ბრედ პიტმა.

კომენტარი გაავრცელა ანჯელინა ჯოლიმაც და მედიას მოუწოდა ამ რთულ პერიოდში ოჯახს მხარში დაუდგნენ, თუნდაც ბავშვების გამო და დაიცვან ამ ამბის კონფიდენციალურობა.

ფოტო: getty images

ცოტა ხნის წინ, Us Magazine-მ გაავრცელა ცნობა, რომ ჯენიფერ ენისტონმა, მომხდართან დაკავშირებით კომენტარი გააკეთა. როგორც Us magazine-ს წყარო ამბობს, ჯენიფერმა განქორწინება კარმას დააბრალა და თქვა - "დიახ, ეს ყველაფერი კარმის დამსახურებაა".

გამოცემის ანონიმური წყარო ასევე ამბობს - "ჯენიფერმა ყოველთვის იცოდა, რომ ბრედ პიტისა და ანჯელინა ჯოლის წყვილს რაღაც მოუვიდოდა, ისინი ბედნიერები არ იქნებოდნენ. პიტს ყოველთვის ჰქონდა კომპლექსები, რომელიც ანჯელინასთან ყოფნამ კიდევ უფრო გაამძაფრა".

Hollywoodlife კი იუწყება, რომ ჯენიფერ ენისტონი, ენჯისა და ბრედის დაშორების გამო, გაოგნებული და შოკირებულიც კი იყო.

გამოცემის წყაროს ცნობით - "ჯენიფერმა მათი განქორწინების ამბავი ლოს-ანჯელესსში საკუთარ სახლში გაიგო, მის გვერდით ამ დროს მისი მეუღლე ჯასტინი იყო. მისი ტელეფონი აფეთქდა ზარებით, ყველა ელოდა, რომ ჯენი რამე საშინელებას იტყოდა ბრედზე, მაგრამ ასე არ მოხდა".

Hollywoodlife-ის წყარო ასევე ამბობს - "მას ღირსეულად ეჭირა თავი, არაფერი ცუდი არ წამოცდენია. ჯენიფერი ყოველთვის იყო კეთილშობილებისა და ღირსების სიმბოლო და ამ შემთხვევამაც დაამტკიცა ეს. ის არასდროს დასხმია თავს ანჯელინას, რომელმაც შეიძლება ითქვას, რომ მას ცხოვრებაში ყველაზე დიდი ტკივილი "აჩუქა", მაგრამ ეს 11 წლის წინ იყო, ახლა ჯენი ბედნიერია თავის ქმართან ერთად, მის გვერდით არის ბიჭი, რომელიც მას დედოფალივით ეპყრობა."

ჯენიფერ ენისტონი და ჯასტინ ტერუ 2015 წელს დაქორწინდნენ.